ہر ماہ توحید و رسالت سے مزین مشہور عالم کتاب کشف المحجوب سبقاً حضرت حکیم صاحب مدظلہٗ پڑھاتے ہیں اور مراقبہ بھی کرواتے ہیں۔قارئین کی کثیرتعداد اس محفل میں شرکت کرتی ہے۔ تقریباًدو گھنٹے کے اس درس کا خلاصہ پیش خدمت ہے۔

ہم اپنی نیت کو جانچتے رہیں: اس مضمون میں پیر علی ہجویری رحمۃ اللہ علیہ نیت کے بارے میں ہمیں سمجھاتے ہوئے مثال اس طرح دیتے ہیں کہ جس طرح کوئی شخص ساری زندگی بھوکا رہ جائے اور روزے کی نیت نہ کرے تو روزے کا ثواب نہیں پائے گا۔اس لئے اللہ والو ! اپنے آپ کو پرکھیں کہ ہم کس نیت اور کس جذبے سے چل رہے ہیں؟ ہماری ا غراض کیا ہیں؟ نیت خود ایک وظیفہ ہے:نیت کے اندر وہ طاقت ہے، نیت کے اندر وہ تاثیر ہےاور نیت کے اندر وہ عجائبات ہیں۔ نیت خود ایک عمل ہے، نیت خود ایک وظیفہ ہے، نیت خود ایک چلہ ہے ،نیت خود ایک دعا ہے،نیت خود ایک برکت ہےاور نیت میں سب کچھ ہے!ولایت کا حاصل:پیر علی ہجویری رحمۃ اللہ علیہ کا یہ (کشف المحجوب) فیضان ہے۔ یہ ولایت کا حاصل ہے۔ ولی بانٹتا کیا ہے ؟ولی چاہتا کیا ہے؟ یہ ولایت کا حاصل ہے۔ میرے خیال میں کشف المحجوب کا حلقہ اچھا بھی لاہور ہی میں لگتا ہے۔ کیا خیال ہے؟ اللہ کے درویش کی تعلیمات جہاں بھی جائیں وہاں خوشبو ہی خوشبو ہےاور پھر جچتا اس جگہ ہے جہاں ان کی آل میں سے کوئی ہو۔نیت کے بعد کوئی چیز ہے تو وہ ادب ہے ادب کے بارے میں ایک واقعہ سناتا چلوں۔حضرت خواجہ حبیب عجمی رحمۃ اللہ علیہ یہ ذوالنون مصری رحمۃ اللہ علیہ کے مرید تھے۔آپ رحمۃ اللہ علیہ ساری زندگی ٹیک لگا کر نہیں بیٹھےاور پاؤں پھیلا کر نہیں بیٹھے۔ ایک دفعہ ٹیک لگا کراور پائوں پھیلا کر بیٹھ گئے۔ پوچھا: شیخ خیریت تو ہے؟ فرمانے لگے: کشفی طور پر اللہ نے مجھے دکھایا ہے کہ میرے شیخ رحمۃ اللہ علیہ جوبہت دور رہتے تھے بہت فاصلہ تھاان کا ابھی انتقال ہو گیا ہے۔ ان کی زندگی میں‘ میںنہ کبھی ٹیک لگا کر بیٹھا نہ کبھی پائوں پھیلا کر بیٹھا۔یہ میں نے ان کے ادب کے خلاف سمجھا ہے کیونکہ منازل شروع ہی ادب سے ہوتی ہیںاور ختم بھی ادب پر ہوتی ہیں۔(جاری ہے)